Ditë historike për futbollin e Kosovës, e sidomos për skuadrën e Ballkanit.
Kampioni në fuqi i Kosovës do të debutojë sot në fazën grupore të Ligës së Konferencës.
Ballkani që ka shkruar historinë me kualifikimin në këtë garë, garon në grupin G.
Në pesë ndeshjet e fundit, Ballkani ka qenë në formë spektakolare duke fituar të gjitha ndeshjet.
Kurse, Cluji ka dy fitore, dy humbje dhe një barazim.
Kjo është përballja e tyre e parë mes vete.
Sot, me fillim nga ora 18:45, skuadra e Ilir Dajës do të jetë nikoqire e Clujit.
Ndeshja në fjalë do të zhvillohet në stadiumin “Fadil Vokrri” në kryeqytet.