Leo Messi tashmë ka arritur një marrëveshje me PSG -në. Sulmuesi argjentinas aktualisht gjendet në Paris me familjen e tij, për të nënshkruar për dy sezone me një të tretë opsional.
Babai dhe agjenti i yllit argjentinas, Jorge Messi, ka vënë në dukje klubin kur është fjala për të kërkuar fajtorë për largimin e ish-kapitenit të sulmuesit të skuadrës katalanase.
“Kush është përgjegjës? Zbulojeni në klub,” tha babai i Leo Messi, para se të hynte në terminalin e Aeroportit El Prat për të kapur një aeroplan privat për t’u nisur për në Paris.
PSG bëri ofertën zyrtare të dielën në mëngjes dhe pas pak më shumë se një dite Messi i ka dhënë dritën jeshile.
Jorge Messi gjithashtu ka pranuar se djali i tij është shumë i prekur nga largimi i tij nga ajo që ka qenë shtëpia e tij për gati 21 vjet.