Arago Jamal te Drita? Drejtori Valon Zymberi zbulon të rejat e fundit
Dritës së Gjilanit do t’i bashkohet së shpejti mbrojtësi Arago Jamal.
Ish-futbollisti i FC Prishtinës do të kalojë te kampionia e Kosovës, Drita pas kompletimit të dokumentacionit.
Lajmin e ka konfirmuar edhe drejtori sportiv i Dritës, Valon Zymberi.
Zymberi në RTK ka thënë se përveç Jamalit, Drita është duke punuar edhe për prurje tjera.
“Në momentin që plotësohet dokumentacioni, Jamal do t’i bashkohet Dritës, por jo në Zvicër pasi nuk e ka asnjë stërvitje me ne”, ka thënë fillimisht Zymberi.
“Jemi duke punuar edhe për transferime tjera, kemi arritur në një nivel që s’kemi zgjidhje në tregun kosovar, por në tregun e jashtëm”, deklaroi ai.