Njëri nga sportistët më të suksesshëm në historinë e golf-it, Tiger Woods ka pësuar lëndime në një aksident horror në Kalifornia.
45-vjeçari me urgjencë i është nënshtruar një operimi pas lëndimeve të rënda në këmbë.
Nga departamenti i policisë në Los Anxhelos kanë konfirmuar se Woods ishte duke e vozitur një veturë me të cilën u aksidentua në mëngjesin e sotëm.
Ekipet e zjarrfikësve duhej të ndërhynin për ta nxjerrë Woodsin dhe për ta dërguar në spital.
Sipas departamentit, automjeti pësoi “dëmtime të mëdha”.
