Skuadra që sapo është rikthyer në Premierligë, ka qenë në mesin e pretendentëve për të rënë nga liga, por ka befasuar të gjithë duke u kthyer në një pretendent për një vend që dërgon në Ligën e Kampionëve.
Por sa interesante është kjo ngritje, aq interesante është që Sheffield ia del mbanë pavarësisht përformancës së dobët të sulmuesve të tyre.
David McGoldrick dhe Oliver McBurnie, së bashku kanë bërë 46 paraqitje në Premierligë këtë sezon, duke e gjetur vetën në shumë mundësi të mira shënimi, por duke realizuar vetëm katër gola.
Sipas statistikave të SofaScore, kjo dyshe kanë shpërdoruar më së shumti raste para portës.
Shtrohet pyetja se ku do të ishte Sheffield United, nëse sulmuesit e tyre do të ishin më të saktë para portë.
Pas 27 xhirosh, Sheffield United me 40 pikë renditet në vendin e shtatë, me vetëm katër pikë larg nga zona e Ligës së Kampionëve.