Berisha shënon pas asistimit të Roshit, i lumtur për fitoren dhe golin

Reprezentuesi i Kosovës, Bernard Berisha ka shënuar gol në fitoren 4:2 të Akhmat Groznyt në udhëtim ndaj Krylya Sovetov Samaras.

Ndeshja e së premtes i takoi xhiros së 23-të të kampionatit të Rusisë në futboll.

Futbolli në Rusi ka vazhduar të premten pas ndërprerjes së gjatë, ndërsa rifillimi ishte i suksesshëm për Berishën. Ai shënoi gol nga afërsia pas pasimit të Odise Roshit nga krahu i djathtë.

Pas ndeshjes, Berisha u shpreh i lumtur për golin dhe rikthimin e futbollit.

“Fitore e rëndësishme, i lumtur për rikthimin pas një kohe të gjatë pa futboll. Faleminderit vëlla për asistimin”, shkroi ai në rrjetet sociale.

Berisha këtë edicion ka shënuar tre gola.