Ballkani ka fituar në Gjilan ndaj Dritës në një ndeshje spektakolare ku u panë pesë gola 2-3.
Ndeshja nisi më mirë për mysafirët të cilët e kishin iniciativën dhe gjetën golin pas 12 minutave lojë, kur Almir Kryeziu asistoi te Bleart Tolaj i cili shënoi gol të bukur për 0-1.
Por epërsia e vendasve nuk zgjati më shumë se nëntë minuta, pasi Kristal Abazaj shënoi gol të bukur për 1-1.
Ballkani u rikthye sërish pas dy gabimeve në mbrojtjen e Dritës dhe shënoi dy gol brenda dy minutave 32′ dhe 34′.
Giovanni Riberio dhe Walid Hamidi shënuan për suharekasit. Pjesa e parë u mbyll me epërsinë e Ballkanit 1-3.
Drita u rikthye në pjesën e dytë dhe Kristal Abazaj shënoi golin e dytë personal në minutën e 58-të për 2-3.
Në minutën e 88-të, Ballkani mbeti me një lojtar më pak në fushë, pasi zëvendësuesi Geralb Smajli mori dy kartonë të verdhë brenda dy minutave dhe u përjashtua nga loja.
Drita tentoi me të gjitha forcat deri në fund të ndeshjes, por pa sukses pasi Ballkani u mbrojt mirë dhe mori tre pikë të arta nga kjo përballje.
Me këtë fitore Ballkani ngritët në krye të tabelës me 26 pikë, sa ka edhe Prishtina, derisa Drita mbetet në pozitën e katërt me tre pikë më pak dhe një ndeshje më pak të zhvilluar.
Ndeshjen e radhës Drita e zhvillon në udhëtim te Dukagjini, derisa Ballkani pret Prishtinën e Re.