Real Madridi e ka mposhtur Juventusin, me rezultat 1-0, të mërkurën në ‘Bernabeu’, në kuadër të xhiros së tretë në Ligën e Kampionëve.
Skuadra Xabi Alonso ka vazhduar startin e tij perfekt në garën më të madhe evropiane, duke arritur fitoren e katërt në pesë përballjet e fundit me Bianconerët.
Ndeshja nisi me një ritëm të ngadaltë për vendasit, ndërsa Juventus, në formë jo të mirë kohëve të fundit, krijoi shanset e para.
Thibaut Courtois u aktivizua dy herë brenda 15 minutave të para, duke mohuar goditjet e Weston McKennie dhe Federico Gatti. Real Madrid filloi të rregullojë lojën me goditje të Aurelien Tchouameni dhe një asist të Arda Guler për Kylian Mbappe, por përpjekjet e tyre u neutralizuan nga portieri i Juves, Michele De Gregorio.
Goli i vetëm erdhi në mënyrë të papritur. Pas një aksioni të Vinicius Junior që goditi traversën, topi i ra te Jude Bellingham, i cili shënoi për golin e tij të parë që nga qershori, duke vendosur rezultatin përfundimtar 1-0.
Pas avantazhit, Real dominonte lojën, ndërsa De Gregorio realizoi disa pritje spektakolare për të mbajtur Juventusin në lojë.
Një mundësi e fundit për “Zonjën e Vjetër” u neutralizua nga Raul Asencio, duke siguruar fitoren e Real Madridit.
Juventus vazhdon me formën e dobët, duke mbetur pa fitore në shtatë ndeshjet e fundit dhe duke u gjendur jashtë vendeve që çojnë në fazën e eliminimit të Ligën e Kampionëve.
Me këtë fitore, Real Madrid shkon në ‘El Clasico’ këtë fundjavë me një moral të lartë.
Ndërkohë, fitore tejet të rëndësishme ka shënuar edhe Liverpool që në udhëtim mundi Eitracht Frankfurt, me rezultat 1-5.
Ekitike (35’), Van Dijk (39’), Konate (44’), Gapko (66’) dhe Szbozlai (70’), shënuan nga një gol për fitoren e kampionëve në fuqi të Anglisë, kurse, golin e vetëm për ekipin gjerman e realizoi Kristensen (26’).
Me rezultat identik ka fituar edhe Chelsea në duel me Ajax-in, kurse, Bayern Munich e deklasoi Clube Brugge, me rezultat 4-0.
Të gjitha rezultatet dhe tabela:
