Mesfushori i Real Madrid, Federico Valverde shënoi një gol të shkëlqyer nga distanca në fitoren 4-2 ndaj Sevillas në Santiago Bernabeu dhe tani ka pesë gola nga jashtë zonës këtë sezon.
Në fakt, këto janë të gjitha golat e Fede-s në këtë sezon. Uruguaiani nuk e di se si është të shënosh një gol “normal”, me secilin prej tij nga distanca e largët, gjë që e vë në konkurrencë jo me lojtarë, por me skuadra të tëra.
Deri më tani, vetëm Barcelona, Atletico Madrid dhe Celta janë skuadrat e vetme me më shumë se pesë gola jashtë kuadratit në La Liga. Kjo do të thotë se 16 ekipe kanë shënuar më pak gola nga distanca sesa Federico Valverde.
Përveç Sevillas, Valverde shënoi nga distanca ndaj Valladolidit, Villarrealit, Leganes dhe Rayo Vallecanos. Ai e bëri këtë edhe për Uruguain kundër Brazilit në nëntor.