Fillimi i vitit 2024 nuk shkoi në mënyrë ndoshta siç e ka imagjinuar Jack Grealish. Që nga fillimi i sezonit, ai është përballur me sfida të vazhdueshme.
Deri më tani, shifrat e tij tregojnë tri gola dhe dy asistime në 27 ndeshje, një rënie e ndjeshme në krahasim me performancën e tij të mëparshme. Faktori kryesor që ka humbur është vazhdimësia.
Grealish është kthyer nga një pjesë themelore në një zëvendësues nën drejtimin e Guardiolës. Ardhja e Dokut dhe përshtatja e tij e shpejtë, së bashku me paraqitjen e dobët të Grealish, e kanë zbritur në stol.
Nga 27 ndeshjet e luajtura, ai ka startuar vetëm në 15 dhe prej tyre 90 minutat i ka plotësuar vetëm në 8 raste. Përveç kësaj, lëndimet e kanë përkeqësuar situatën e tij. Më 13 shkurt ai pësoi një lëndim kundër Kopenhagenit në Ligën e Kampionëve dhe, megjithëse u kthye njëmbëdhjetë ditë më vonë, nuk luajti asnjë minutë. Tri ditë më vonë, kundër Lutonit, ai lëndoi sërish muskulin.
Anësori anglez po kalon një sezon mjaft atipik për të dhe për të gjithë fajin janë lëndimet e shumta që po pëson, të cilat po ia ulin shumë performancën dhe gjendjen mendore.
Jack Grealish ka kaluar nga një pjesë thelbësore në planet e Guardiolës në të qenit jashtë formacioneve të trajnerit katalanas, i cili ka treguar se askush nuk është thelbësor në skuadrën e tij për shkak të konkurrencës mizore që ekziston.