Superliga e Kosovës do të përmbyllet për këtë vit me përballjen ndërmjet Gjilanit dhe Ballkanit.
Dy skuadrat përballen në kuadër të ndeshjes së mbetur të xhiros së 13-të të Superligës së Kosovës në futboll.
Dueli mes këtyre dy skuadrave do të zhvillohet në stadiumin me bari sintetik në Gjilan, me fillim nga ora 12:00.
Aktualisht, Ballkani është lider i Superligës me 39 pikë, pesë më shumë se Llapi e Drita.
E suharekasit mund të rrisin diferencën e pikëve me një fitore eventuale të dielën.
Nga ana tjetër gjilanasit zënë vendin e tetë me 17 pikë.
Të dy skuadrat po kalojnë në një formë të dobët të rezultateve së fundmi dhe do të synojnë rikthimin tek fitoret.