Në një intervistë me Geo Team , një faqe e raportimit të futbollit gjeorgjian, Khvicha Kvaratskhelia mohoi se ai po mendon për një transferim te Real Madrid.
I pyetur për fjalët e babait të tij, i cili deklaroi në të njëjtën faqe se “Real Madridi është ëndrra e Khvichas”, anësori gjeorgjian deklaroi se fokusi i tij është te Napoli.
“Së pari, mund të them se për momentin jam 100% i fokusuar te Napoli. Unë po bëj maksimumin për të ndihmuar ekipin. Real Madridi ishte një pasion fëmijërie. Tani jam 100% i fokusuar te Napoli. Ka ndeshje të rëndësishme përpara, është një sezon i rëndësishëm. Ndihem shumë i lumtur këtu. Sa për të ardhmen, ka shumë klube të mira për të cilat do të doja të luaja, por tani ndihem shumë i lumtur këtu. E ardhmja do të tregojë se çfarë do të ndodhë.”
Khvicha Kvaratskhelia ishte një nga protagonistët në fitoren e Napolit në Scudetto vitin e kaluar. Këtë sezon në 13 ndeshje ai ka shënuar katër gola dhe tre asistime.