Everton është në telashe të mëdha për shkak të shkeljeve të Fair Playit financiar. Daily Mail ka mësuar se diskutimet mes Evertonit dhe Premier League kanë nisur këtë javë.
Procedurat po zhvillohen në fshehtësi dhe Premier League pritet të shpallë dënimin muajin e ardhshëm. Në mars, Premier League akuzoi klubin e Liverpool-it për shkelje të ndershmërisë financiare. Në periudhën trevjeçare Evertoni ka pasur një humbje prej gati 372 milionë paund, dhe kufiri në garë është 105 milionë.
Sipas mediave britanike, Evertoni mund të dënohet duke iu hequr deri në 12 pikë. Eksperti financiar Kieran Maguire beson se kjo do ta vendoste klubin në telashe të mëdha. Pas nëntë xhirove, Everton është në vendin e 16-të me vetëm shtatë pikë të fituara.
“Frika e madhe në klub është se akuzat do të mbështeten dhe sanksionet do të përfshijnë zbritjen e pikëve. Marrja e tre pikëve është diçka me të cilën klubi mund të përballet, por marrja e 12 pikëve do të ishte një goditje e madhe duke pasur parasysh pozicionin e tyre në tabelë”, tha ai.