Llapi ka mposhtur me mund Gjilanin (2:1), derisa Dukagjini arkëtoi pikët e plota kundër Fushë Kosovës (1:0), në kuadër të xhiros së gjashtë në Superligën e Kosovës.
Derbi më interesant u zhvillua në “Zahir Pajaziti”, ku Llapi shënoi fitore me rezultat të ngushtë 2:1.
Me këtë fitore, Llapi vazhdon si lider me 13 pikë të mbledhura derisa Gjilani bie në vendin e tetë me katër sosh.
Ndërkohë, Dukagjini ka regjistruar fitoren e parë këtë sezon duke mposhtur në Klinë skuadrën e Fushë Kosovës.
Dukagjini renditet në pozitën e shtatë me gjashtë pikë, derisa Fushë Kosova mbetet në fund me vetëm një sosh.
