Hakim Ziyech dështoi në testet mjekësore te Al Nassr dhe nuk do të jetë bashkëlojtari i Cristiano Ronaldos në skuadrën e Arabisë Saudite.
Informacionet po përcillen nga shtypi vendas, duke raportuar se është përsëritur ajo që ndodhi në janar, me Ziyech që sipas tyre dështoi edhe në testet mjekësore edhe tek PSG dhe nuk kishte probleme me dokumentet.
Al Nassr kishte tashmë një marrëveshje të mbyllur me Chelsean për 20 milionë euro, ndërsa për marokenin ishte rezervuar një kontratë deri në vitin 2026 dhe me shumë milionë euro të siguruara.
Ziyech është me skuadrën angleze që nga viti 2020. Për blutë, afrikani ka 14 gola dhe 13 asistime në 107 ndeshje.