Në kuadër të Grupit I të kualifikimeve për në Kampionatin Evropian Euro 2024, Kosova e zhvillon sot ndeshjen e radhës ku e pret Rumaninë në stadiumin “Fadil Vokrri” në Prishtinë.
“Dardanët” kërkojnë fitoren e parë në grup pas dy barazimeve në dy ballafaqimet e para, ndaj Izraelit dhe Andorrës.
Në anën tjetër, mysafirët kanë dy fitore në dy ndeshjet e para dhe kanë udhëtuar në Prishtinë për rezultat pozitiv.
Në rast të humbjes, apo edhe barazimit, Kosova do t’i minimizonte gjasat për kualifikim në Euro 2024, gjë të cilën e theksuan në konferencë për media edhe trajneri Alain Giresse si dhe qendërmbrojtësi Amir Rrahmani.
Për Kosovën nuk do të mund të paraqitet sulmuesi Elbasan Rashani, i cili u lëndua një ditë para ndeshjes gjatë stërvitjeve, kurse në dyshim është edhe sulmuesi i krahut Edon Zhegrova.
Ndeshja nis nga ora 20:45, ndërsa janë shitur të gjitha biletat që ishin në dispozicion.
Tanimë të dy trajnerët kanë vendosur për formacionet zyrtare, dhe ato i gjeni më poshtë.
