Federata e Futbollit të Kosovës (FFK) përmes një njoftimi në faqen zyrtare ka bërë të ditur se ka filluar shitja e biletave për ndeshjen e Kosovë-Rumani.
“Dardanët” do të zhvillojë ndeshjen ndaj Rumanisë në kuadër të kualifikimeve për në Kampionatin Evropian “Euro 2024”.
FFK-ja ka njoftuar se çmimet e biletave fillojnë nga 5 euro në sektorin e Veriut dhe Jugut, dhe arrijnë deri në 80 euro për sektorin VIP. Në sektorin e Lindjes biletat kushtojnë 10 euro ndërsa në Perëndim 20 euro.
Një person mund të blejë deri në katër bileta. Më 16 qershor me fillim nga ora 20:45, Kosova do të zhvillojë ndeshjen ndaj Rumanisë si vendas në stadiumin “Fadil Vokrri”, ndeshje kjo e cila është e vlefshme për kualifikimet drejt Euro 2024.
Më poshtë mund ta gjeni linkun ku mund të bëhet blerja e biletave online.