Sergio Ramos ka sulmuar një fotograf pas ndeshjes me Bayernin në Champions League.
Ish-lojtari i kombëtares spanjolle me forcë, me të dyja duart, ka larguar fotografin, i cili siç shihet në video, e ka shqetësuar pa dashje. Para kësaj, Ramos u përplas edhe me kolegun e fotografit.
PSG humbi ndaj Bayernit 1:0 në Parc des Princes. Skuadra gjermane është favorit për të kaluar përpara ndeshjes së dytë. Ramos e nisi ndeshjen nga minuta e parë.
— EuroFoot (@eurofootcom) February 15, 2023
Pas ndeshjes dhe konfliktit me fotografët, ai ka folur edhe për të ardhmen e tij. Gjegjësisht, kontrata e tij skadon në fund të sezonit dhe ai tha se ende nuk e di nëse do ta vazhdojë atë.