Dhoma e zhveshjes së Belgjikës është një fuçi baruti. Shokë te ngushte gjatë gjithë këtyre viteve, Djajtë e Kuq nuk kanë qenë kurrë. Por kur fiton gjithsesi është e lehtë të kalosh mire… Megjithatë, tani, pas humbjes kundër Marokut dhe me mundësinë e daljes jashte tashmë në fazën e grupeve, Belgjika po vlon dhe sipas raporteve nga RTL belge, pas ndeshjes kundër Marokut do të kishte pasur një diskutim të ashpër gati për t’u kthyer në sherr, vetëm ndërhyrja e Lukakut parandaloi më të keqen.
Brezi i artë i Belgjikës është në takimin e fundit të madh. Të gjithë së bashku, siç ishte në 2014, 2016, 2018 dhe 2020. Çdo herë dukeshin gati për të fituar, por për një arsye apo një tjetër gjithmonë rrëzoheshin para finales. Vendi i 3-të në Botërorin e Rusisë është pika më e lartë e kësaj skuadre, e cila u paraqit në Katar me gjithë grupin historik, të lodhur nga vitet dhe nga një mijë beteja. Një ekip që nuk ka arritur në top formë. Me Lukakun në mes të shërbimit, Mertens, Alderweireld, Vertonghen, Witsel nuk janë më në kulmin e tyre.
Kupa e Botës kishte nisur mirë, 1-0 me përpjekje të mëdha ndaj Kanadasë, e cila megjithatë kishte humbur një penallti në fillim. Pas asaj ndeshjeje Kevin De Bruyne, njëri nga dy yjet (tjetri është Courtois), kishte qenë shumë i drejtpërdrejtë në një intervistë dhe tha: “Unë mendoj se shansi ynë i vërtetë ishte në vitin 2018. Ne nuk kemi shumë shanse për të fituar këtë Kupe. Jemi shumë të vjetër. Kemi humbur lojtarët kyç, po ecim përpara me kalimin e moshës. Mund të jemi surprize e thjeshtë”.
Fjalë që kishin pasur një rëndësi të madhe dhe që kishin mërzitur edhe Vertonghen, një tjetër nga senatorët, i cili tha pas Belgjikë-Marok: “Në mendjen më kalojnë shumë gjëra që nuk duhet t’i them, ose të paktën jo jashtë dhomës së zhveshjes. Është.” Ishte shumë zhgënjyese edhe sepse ishte ndeshja e parë e keqe, edhe nëse mendoj se do t’ia dalim. Ne kemi cilësi, por ndoshta kemi sulmuar keq edhe sepse jemi të vjetër, apo jo?”
Pas kthimit në dhomat e zhveshjes, pas Belgjikë-Marok, Vertonghen u zemërua shumë dhe sulmoi Eden Hazard dhe Kevin De Bruyne. Fjalë te renda kanë fluturuar. Diskutimi u ndez shpejt dhe pati një moment kur u rrezikua me e keqja, ndërhyrja e Romelu Lukakut e pengoi sherrin. Edhe nëse sigurisht nuk ka harmoni në dhomat e zhveshjes dhe tani duhet gjetur qetësia për ndeshjen vendimtare ndaj Kroacisë.
Sipas të gjitha gjasave, kur vjen puna për të luajtur, urrejtja do të zhduket. Nga ana tjetër, Belgjika ka vite që lufton për turnetë e mëdhenj dhe këtë e ka bërë me një sërë lojtarësh që nuk shkonin mirë. Marrëdhëniet e vështira mes De Bruyne dhe Courtois, ato mes Lukakut dhe Batshuayi dhe mes vetë Vertonghen dhe De Bruyne janë të njohura.