Superliga e Kosovës rikthehet sot me disa ndeshje tejet interesante, të vlefshme këto për xhiron e 16 të sezonit aktual.
Të gjitha ndeshjet e sotme do të zhvillohen me fillim nga ora 13:00, ku spikat ajo mes skuadrës së Malishevës dhe Prishtinës.
Të dy këto skuadra dështuan që të arkëtojnë pikët e plota në xhiron e fundit, ku Malisheva u mposht 4:0 nga Dukagjini, kurse Prishtina barazoi 2:2 me Gjilanin.
Ndërkaq, krahas takimit mes Malishevës e Prishtinës do të zhvillohen edhe dy ndeshje të tjera interesante, ku Drenica e pret në shtëpi Dukagjinin, kurse Trepça ’89 është mysafire e Ferizaj.
Programin e plotë të ndeshjeve të sotme në Superligën e Kosovës e gjeni më poshtë.
13:00 Drenica – Dukagjini
13:00 Ferizaj – Trepça ‘89
13:00 Malisheva – Prishtina