Pasi që fitoi medalje në Kampionatin Botëror të boksit, Donjeta Sadiku ka arritur sot një tjetër sukses të madh pasi që ka siguruar edhe medaljen evropiane nga Kampionati Evropian i boksit.
Në Budva të Malit të Zi, Sadiku arriti që në çerekfinale të këtij Evropiani të mposht boksieren nga Rumania, Andrea Loredana Marin.
Në kuadër të kategorisë deri në 60 kilogramë, boksierja jonë tani ka kaluar në gjysmëfinale të Kampionatit Evropian të boksit.
Po ashtu, kjo është medalja e parë evropiane për Federatën e Boksit të Kosovës në kuadër të rangut elitar.