N’Golo Kante nuk do të rinovojë kontratën me Chelsea, nëse kushtet e ofruara nuk përmirësohen.
Raportime të ‘Dailymail’ bëjnë të ditur se Chelsea dhe N’Golo Kante janë akoma larg një marrëveshjeje për rinovim kontrate.
Thuhet se lojtari nuk është i kënaqur me kushtet që i ka ofruar Chelsea për kontratën e re.
Pakënaqësia nuk ka të bëjë me pagën, por me vitet që i janë ofruar lojtarit. ‘Blutë’ kanë menduar për një kontratë dyvjeçare.
Kante dëshiron të ketë një kontratë më afatgjate sesa ajo që i është propozuar nga krerët e klubit.
Nëse palët nuk arrijnë të dakordohen për një rinovim, Kante do të largohet si lojtar i lirë verën e ardhshme.