Mbrëmë Casemiro bëri debutimin e tij të shumëpritur me Manchester United, por nuk shkoi siç ishte planifikuar pasi që u mposht 1:0 në shtëpi nga Real Sociedadi në Ligën e Evropës.
Casemiro ka qenë një transferim i bujshëm për United dhe ardhja e tij duket se ka përkuar me një ngritje të vetëbesimit në skuadër. Ai u prezantua në “Old Trafford” përpara fitores 2:1 të “Djajve të Kuq” ndaj Liverpoolit, një rezultat jetik që nisi një seri të fitoreve.
Mesfushori brazilian e nisi ndeshjen nga minuta e parë kundër Real Sociedadit, por debutimi i tij nuk shkoi siç ishte planifikuar.
Përveç që u mposht klubi i tij si vendas, Casemiro u turpërua nga një lojtar kundërshtarë, respektivisht nga mbrojtësi i krahut të majtë, Aihen Munoz.
Munoz bëri një lëvizje tejet të bukur ku edhe i futi topin në mes të këmbëve Casemiros, duke e lënë këtë të fundit të turpëruar.
Momentin në fjalë e gjeni më poshtë.
Aihen Riquelme (?) pic.twitter.com/LuBrIBsXM1
— Pensando en Fútbol | Tomás Izquierdo (@PensandoFutbol8) September 8, 2022