Kryendeshja e javës së pestë në Superligën e Kosovës në futboll zhvillohet sonte në stadiumin “Fadil Vokrri” në Prishtinë me fillim nga ora 20:00.
Prishtina e Ismet Munishit i pret në shtëpi kampionët e Kosovës, Ballkanin para mijëra tifozëve kryeqytetas.
Interesimi për këtë ndeshje ishte tejet i lart prej ditësh, ndërsa Prishtina njoftoi ditën e sotme se të gjitha biletat janë shitur.
Kjo përballje për ata që nuk do mund të jenë në shkallët e stadiumit, do të transmetohet në ArtSport 1 në platformën Artmotion.
Prishtina zë vendin e tretë me shtatë pikë pas tri ndeshjeve të luajtura, kurse Ballkani me vetëm dy ndeshje të zhvilluara ka gjashtë pikë në pozitën e katërt.