Trajneri i Barcelonës, Xavi Hernandez, ka paralajmëruar se skuadra që ai drejton do të luftojë për të gjithë trofetë këtë sezon.
Ai gjithashtu tha se mendon se Barça mund të ketë një sezon të mrekullueshëm.
“Jam shumë i emocionuar dhe mendoj se mund të jetë një sezon i mrekullueshëm. Unë shoh gjëra pozitive. Futbolli dhe topi do të luajnë një rol vendimtar. Ne do të luftojmë për të gjithë trofetë”, tha Xavi.
“E ndiej presionin çdo ditë. Nëse fiton është fantastike, por nëse humbet është turp dhe pothuajse nuk mund të dalësh. Unë do të bëj gjithçka që mundem për t’u siguruar që të shkojë mirë”, shtoi ai.
“Ndihem i lehtësuar [pas afatit kalimtar]. Ne punuam si ekip dhe bëmë një përpjekje mbresëlënëse. Jemi të kënaqur me vendin ku jemi tani. Ne kemi skuadrën për të luftuar për të gjithë trofetë. Dhe tani duhet ta dëshmojmë në fushë”, deklaroi Xavi.
Barcelona pas tri xhirove të zhvilluara në La Liga, ka grumbulluar shtatë pikë – me bilanc prej dy fitoreve e një barazimi.
Ndërkaq, katalunasit janë shortuar në Grupin C të Ligës së Kampionëve, bashkë me Interin, Bayern Munichin dhe Plzenin.
Ndeshjen e parë në këtë garë, skuadra e drejtuar nga Xavi do ta zhvillojë më 7 shtator, kundër Plzenit.