Mallorca është në kërkim të një sulmuesi, i cili do të luante përkrah Vedat Muriqit.
Dhe, mediat spanjolle raportojnë se klubi ishullor ia ka mësyrë sulmuesit të Barcelonës, Martin Braithwaite.
Futbollisti danez nuk bën pjesë në planet e trajnerit Xavi Hernandez, i cili llogarit në sulmuesin kryesor, Robert Lewandowski.
Portali “futboldesdemallorca” raporton se ky transferim mund të jetë i vështirë për t’u realizuar për shkak të rrogës së lartë të kërkuar nga futbollisti, i cili do edhe më shumë para se që merr aktualisht tek “Blaugrana”.
Nëse jo në Mallorca, përfaqësuesi danez do të largohet gjithsesi nga “Camp Nou” pasi për të nuk ka vend, me gjasë as në bankinë.
Braithwaite u vërshëllye dy javë më parë nga tifozët e Barcelonës derisa po prezantohej nga spikeri i stadiumit.
Edhe vetë ai e di se është koha për t’u larguar nga gjiganti katalunas.