Real Madridi dhe Eintracht Frankfurti do të përballen sot në finalen e Superkupës për vitin 2022.
Skuadra spanjolle e fitoi trofeun e Ligës së Kampionëve, kurse skuadra gjermane më herët e kishte fituar trofeun e Ligës së Evropës.
Real Madrid do të synojë ta nisë sezonin me një trofe të ri në sirtarët e klubit më të lavdishëm të futbollit evropian, pasi stinorin e kaluar e mbylli me trofeun e 14-të të Champions League, kurse Frankfurti fitoi vetëm për herë të dytë në histori garën e Europa League, duke mposhtur në finale klubin skocez Rangers pas penalltive.
Ndeshja fillon në ora 21:00 dhe transmetohet në Klan Kosova dhe Art Motion.
