Ballkani ka siguruar kalimin tutje në raundin e tretë të Conference League.
Skuadra kosovare ka triumfuar me rezultat 6 me 0 në ndeshjen e dytë ndaj La Fioritas, me rezultatin e përgjithshëm 10 me 0 nga dy ndeshjet.
Tani, Ballkani e pret fituesin e ndeshjes mes Sutjeskas dhe Klaksvik, për ta mësuar kundërshtarin në raundin e tretë në Conference League.
Ky takim zhvillohet sot në ora 20:00, me ndeshjen e parë që përfundoi 0 me 0.
Mbetet të shihet se a do të jetë skuadra nga Ishujt Faroe apo ajo nga Mali i Zi, kundërshtari i radhës i Ballkanit.