Ballkani ashtu siç është pritur pa asnjë problem e ka mposhtur Feronikelin me rezultat 6:0, për ta forcuar kështu pozitën e parë në tabelë.
Feronikeli që tashmë është skuadër e larguar nga elita e futbollit, nuk ka mundur t’i bëjë ballë skuadrës shumë cilësore të Ballkanit. Armend Thaqi, Korenica, Baftiu, Zeka e Potoku dy herë, kanë realizuar për ekipin e Ilir Dajës I cili është në rrugë të për mirë për titullin e kampionit.
Në anën tjetër Prishtina ka shënuar fitoren e dytë me radhë në këtë edicion. Bardhekaltrit e kanë mposhtur Ulpianën me rezultat 2:0 në sfidën e zhvilluar në Gjilan. Zyba e Kryeziu kanë realizuar për skuadrën e Ibrakovic i cili mund të jetë tash pak më i qetë pas telasheve të mëdha që është përballur kohëve të fundit.