Marash Kumbulla është shndërruar në një titullar të padiskutueshëm te Roma e Jose Mourinhos, pasi për të pestën ndeshje radhazi është konfirmuar në formacion ndaj Vitesses në Conference League.
Mbrojtësi shqiptar dha një kontribut të jashtëzakonshëm që Roma të ruajë portën të paprekur për të tretën ndeshje radhazi mes kampionatit dhe Europës, teksa u vlerësua me notën 6.9 për paraqitjen ndaj holandezëve.
“Kishte përballë një kundërshtar të vështirë si Domgjoni, por me kalimin e minutave mori masat e duhura për ta neutralizuar dhe për të mos lejuar që të krijohen situata të rrezikshme”, thuhet në vlerësimin për Kumbullën.
Kurse, mesfushori i Përfaqësueses së Kosovës – Toni Dongjoni, u vlerësua me notën 6.7, nga ‘SofaScore’.
Mbrojtësi shqiptar nuk pati një nisje aspak të mirë nën drejtimin e Jose Mourinhos, por me punë ia ka dalë t’i ndryshojë mendjen portugezit dhe të shndërrohet në titullar të padiskutueshëm te Roma.