Barcelona ka arkëtuar pikët e plota në takimin e vlefshëm për javën e 27-të kundër Elches.
“Katalunasit” fituan 1:2 me përmbysje të rezultatit ndaj Elches e cila e para ishte në avantazh, por nuk ia doli ta ruante atë deri në fund.
Elche kaloi në epërsi në minutën e 44-të kur shënoi nga afërsia Fidel.
Në pjesën e dytë, gjegjësisht në minutën e 61-të nisi rikthimi në lojë i Barcelonës. Ferran Torres barazoi shifrat pas asistimit nga Jordi Alba.
E golin e fitores për “Blaugrana” e konkretizoi nga pika e bardhë e penalltisë, Memphis Depay në minutën e 84-të.
Barcelona falë kësaj fitoreje ngritet në vendin e tretë me 48 pikë, kurse Elche ka 29 pikë në pozitën e 14-të.