Karriera e sulmuesit Pierre-Emerick Aubameyang te Barcelona sapo ka nisur, ku shënoi het-trik në fitoren ndaj Valencias.
Pasi iu bashkua katalunasve si agjent i lirë, Aubameyang dështoi të shënoi në tre paraqitjet e para për Barcelonën.
Por, 32-vjeçari shënoi dy herë në pjesën e parë kundër Valencias dhe pastaj kompletoi het-trikun duke devijuar golin e Pedrit në pjesën e dytë.
Me këtë het-trik, Aubameyang është bërë lojtari i parë në shekullin e 21-të që shënon het-trik në Ligue 1, Bundesliga, Premierligë dhe La Liga.
Aubameyang gjithashtu është bërë lojtari i parë që shënon dy het-trik në “Mestalla”, pasi shënoi edhe një herë tre gola sa përfaqësonte Arsenalin në Ligën e Evropës në vitin 2019.
Ndërkohë, Barcelona vazhdon të garojë për top katër, derisa këtë të enjte, i pret ndeshja kthyese ndaj Napolit në Ligën e Evropës.