Manchester United mposhti Norwichin 0:1 dhe zgjati ecurinë e tyre të pamposhtur nën drejtimin e menaxherit të përkohshëm Ralf Rangnick në tre ndeshje, pasi ‘Kanarinat’ pësuan humbjen e tyre të 10-të të sezonit në Premier League.
United u nis drejt Carrow Road duke e ditur se një fitore do të siguronte fitoren e tyre të tretë radhazi në ligë për herë të parë që nga prilli. Vendasit i frustruan ‘Djajtë e Kuq’ në hapat e parë, duke regjistruar 55% të zotërimit të topit në dhjetë minutat e para, teksa kërkonin të merrnin disa pikë të rëndësishme në garën e tyre të mbijetesës.
United për pak sa nuk kaloi në epërsi në minutën e 13-të kur një goditje e lirë e Alex Telles goditi traversën pas një devijimi, ndërsa Tim Krul mohoi përpjekjen e Cristiano Ronaldos me këmbën e majtë në fund të pjesës pas një loje të shkëlqyer individuale nga portugezi në zonën e rreptësisë. Edhe Norwich dukej i rrezikshëm me raste, por topi i fundit shpesh mungonte në zona të rrezikshme për ‘kanarinat’.
Pjesa e parë nuk prodhoi gola, ndonëse rastet nuk munguan.
Goli i fitores për Unitedin erdhi tek në minutën e 75-të. Ishte Cristiano Ronaldo që u faulua brenda zonës dhe e fitoi penalltinë, që e shndërroi më pas vet në gol.
Kështu, Rangnick e vazhdon me fitore aventurën e tij si trajner i Manchester Unitedit.
Momentalisht, “Djajtë e Kuq” gjenden në vendin e pestë me 27 pikë, aq sa ka edhe West Ham në vendin e katërt.
Në anën tjetër, Norwich mbetet i fundit me 10 pikë.