Liga e Evropës e ka mbyllur fazën e grupeve, ku nga tetë grupe, 16 klube kanë avancuar tutje, ndërsa do të bashkohen edhe tetë të tjera nga Liga e Kampionëve.
Në fazën e eliminimit direkt nga vendi i parë në grup kanë kaluar Eitrnacht Frankfurt, Galatasaray, Leverkusen, Lyon, Monaco, Spartak Moskva, West Ham United dhe Crvena Zvezda.
Vendet e para të grupit do të luajnë direkt në 1/16 e Ligës së Evropës.
Sa i përket vendeve të dyta që vijnë nga grupet e Ligës së Evropës, ato do të luajnë në play-off me ekipet që kishin zënë vendet e treta në Ligën e Kampionëve.
Real Betis, Braga, Dinamo Zagreb, Lazio, Napoli, Olympiacos, Rangers, Real Sociedad do të luajnë në play-off kundër Atalanta, Barcelona, Dortmund, Leipzig, Porto, Sevilla, Sheriff dhe Zenit.
Ndërsa vendet e treta të Ligës së Evropës kalojnë në Ligën e Konferencës dhe ato janë: Celtic, Fenerbahçe, Leicester, Marseille, Midtjylland, PSV Eindhoven, Rapid Vjena, Sparta Praga.
Kur do të hidhet shorti i play-offit në Ligën e Evropës?
Shorti do të hidhet në selinë e UEFA-s në Nyon, Zvicër, të hënën më 13 dhjetor. Shorti vlen për 16 skuadra. Ceremonia fillon në orën 13:00.
Cilat skuadra janë në shortin e play-off të raundit të eliminimit të Ligës së Evropës?
Janë 16 skuadra në short: tetë vendet e dyta të fazës së grupeve të Ligës së Evropës që do të jenë në vazon e parë dhe tetë skuadrat që vijnë nga vendet e treta nga faza e grupeve të Ligës së Kampionëve, që do të jenë në vazon e dytë.
Vazo e parë
Betis (Spanjë)
Braga (Portugali)
Dinamo Zagreb (Kroaci)
Lazio (Itali)
Napoli (Itali)
Olympiacos (Greqi)
Rangers (Skoci)
Real Sociedad (Spanjë)
Vazo e dytë
Atalanta (Itali)
Barcelona (Spanjë)
Dortmund (Gjermani)
Leipzig (Gjermani)
Porto (Portugali)
Sevilla (Spanjë)
Sherif (Moldavi)
Zenit (Rusi)
A mund të përballen skuadrat nga i njëjti vend me njëra-tjetrën?
Asnjë ekip nuk mund të përballet me një ekip tjetër nga e njëjta shoqatë kombëtare.
A është play-off i Ligës së Evropës me dy ndeshje?
Po, do të zhvillohen në dy ndeshje, me secilën skuadër që ka një ndeshje në shtëpi.
Kur zhvillohet ndeshjet e play-offit?
Ndeshjet e para janë planifikuar për 17 shkurt, ndërsa ato të kthimit një javë më vonë.
Çfarë ndodh më pas?
Fituesit e tetë ndeshjeve do t’i bashkohen tetë fituesit e grupeve të Ligës së Evropës në raundin e 1/16.