Hakan Calhanoglu vazhdon të shkaktojë polemika teksa ka shpërndarë një video të re të festës së tij kundër Milanit, duke shkruar: ‘Unë jam Hakan, unë jam Inter’.
Reprezentuesi turk bëri bujë me një festë të diskutueshme në derbin della Madonnina mbrëmë.
Ai fitoi dhe konvertoi një goditje nga pika e bardhë dhe festoi duke i vendosur duart te veshët ndërsa shikonte tifozët ultras të Milanit.
Festimi i Calhanoglu ka shkaktuar debat në mesin e tifozëve dhe ekspertëve të televizionit në Itali, me ish-mesfushorin e Juventusit, Alessio Tacchinardi, i cili akuzoi yllin turk për mungesë respekti.
Sikur të mos mjaftonte vetë festa, Calhanoglu ka tallur sërish tifozët e Milanit me një video të re në rrjetet sociale.
Ai ndau edhe një herë golin dhe festën e tij, duke shtuar një mesazh: ‘Unë jam Hakan, unë jam Inter’.