Antonio Conte sipas të gjitha gjasave do të jetë trajner i ri i Tottenham Hotspur.
Conte do ta zëvendësojë trajnerin portugez, Nuno Espirito Santos që u shkarkua sot (e hënë) për shkak të rezultateve negative.
Ish-trajneri i Chelseas dhe Interit thuhet se është duke menduar për merkaton e janarit, ende pa marrë mirë punën te “Spurs”.
Në mendjen e Contes janë disa lojtarë të cilët ai synon t’i transferojë në Londër, sipas Sport Witness.
Dusan Vlahoviq, ylli i Fiorentinës është një nga lojtarët në listë të teknikut italian.
Conte gjithashtu është një “tifoz” i madh i mesfushorit kroat, Marcelo Brozoviq të cilin e pati lojtar sa ishte te Interi.
Stefan De Vrij dhe Alessandro Bastoni janë gjithashtu në listën e dëshirave të trajnerit italian.