Max Allegri u shpreh se nuk mund t’i qortojë lojtarët e tij për asgjë pas humbjes 2-1 të Juventusit nga Napoli dhe siguron se ka “shumë kohë” për të ndryshuar sezonin e tyre për mirë.
“Zonja e Vjetër” ka pasur një fillim katastrofik të sezonit duke fituar një pikë nga tre raunde, pas barazimit të vetëm me Udinesen 2-2 dhe humbjeve nga Empoli dhe Napoli.
“Unë nuk mund t’i qortoj lojtarët e mi për asgjë këtë mbrëmje. Ne patëm një paraqitje më të keqe kundër Empolit, por sot për fat të keq paguam rëndë çmimin për gabimet tona”, tha Allegri për DAZN.
“Është një sezon i gjatë, ne duhet të ndjekim skuadrat e tjera dhe ka shumë kohë për tu rikuperuar. Kam pasur starte më të këqija se ky. Ajo që ka rëndësi tani është ndeshja e së martës kundër Malmo”, përfundoi ai.