Cili lojtarë fiton më shumë para?
Në listë janë futbollistët më të paguar në botë, tre yje janë në La Liga që janë në top 10, derisa lëvizjet e fundit të bërë e kanë ndryshuar këtë renditje.
Më poshtë do t’i gjeni lojtarët me pagat më të larta javore.
Këto shifra janë mbledhur nga Radio Times dhe janë konvertuar në dollarë. Mbajeni në mend se ato janë edhe me taksa dhe përfshin edhe shtesa tjera ekstra, pagesa apo bonuse. Plus, këta janë lojtarë me pagat më të mëdha bazë, ku nuk përfshihen edhe marrëveshjet për sponsor dhe marketing, që nuk janë përfshirë.
10. Robert Lewandowski (Bayern Munich) – 483,000 dollarë në javë
Është i vetmi lojtar i Bundesligës në listë. Lewandowski është shpërblyer me çmimin “Lojtari më i mirë i FIFA-së më 2020” dhe ka një rekord të jashtëzakonshëm të shënimit të golave dhe një numër të madh trofeshë në vitrinë. Sulmuesi polak është golashënuesi më i mirë i të gjitha kohërave në Bundesliga dhe ka fituar ligën kryesore gjermane nëntë herë nga 11 vite sa ka qenë në këtë vend, dy herë me Dortmundin dhe shtatë herë me Bayernin.
9. David de Gea (Manchester United) – 517,000 dollarë në javë
I vetmi lojtar spanjoll në listë, De Gea është edhe portier që fiton më se shumti në botë. Manchester United e kishte blerë atë nga Atletico Madridi para një dekade, për një shifër rekorde në atë kohë në Premier Ligë dhe ai është numri 1 në portë të United që ka pasur paraqitje të vazhdueshme në portë.
8. Kevin de Bruyne (Manchester City) – 531,000 dollarë në javë
Me kontratën e tij të re, mesfushori bel i është bashkuar top përfituesve më të mëdhenj në Angli dhe ka pagën më të madhe në një klub ku ka po ashtu paga të larta. De Bruyne ishte lojtar i jashtëzakonshëm për Citizen dhe kryesor që ata fituan tre tituj në ligë, përgjatë gjashtë viteve sa ishte ai në Manchester.
7. Cristiano Ronaldo (Manchester United) – 531,000 dollarë në javë
Sulmuesi portugez ka rënë më poshtë në këtë listë për shkak të transferit të tij nga Juventus, ku kishte pagë dyfish më të madh se sa do të fiton në Old Trafford, por ai ende do të jetë në listën e më të paguarve në Premier Ligë. Ronaldo është njëri prej atletëve më të mirë në planet dhe ndoshta futbollisti më i njohur në botë ku nga sponsorizimet dhe interesave të tjera ai fiton 470 milionë dollarë në vit.
6. Kylian Mbappe (Paris Saint-Germain) – 566,000 dollarë në javë
Lojtari më së paku i paguar nga tre yjet e tjerë në PSG por që hynë në top 10-ën e lojtarëve që fitojnë më se shumti në botë. Mbappe sigurt do të mbetet në këtë listë s’paku në dekadën e ardhshme, kudo që ai do të luanë futboll.
5. Gareth Bale (Real Madrid) – 690,000 dollarë në javë
Pavarësisht se reputacioni i tij ka rënë shumë vitet e fundit, Bale mbetet njëri nga lojtarët më pagën më të madhe në Real Madrid duke e kaluar Ronaldon pas largimit në Manchester United dhe hyrë në top-5. Uelsiani i ka ditët e numëruara në këtë listë, edhe pse rikthimi i Carlo Ancelottit në Real Madrid mund t’i jep atij një mundësi tjetër që të shkëlqen në ekip.
4. Antoine Griezmann (Barcelona) – 793,000 dollarë në javë
Pas largimit të Lionel Messi, Griezmann është i vetmi lojtar i Barcelonës në top 10-she. Paga e tij e madhe e ka dëmtuar shumë klubin katalunas që kanë vuajtur shumë kohëve të fundit, e ku kishin një vit zhgënjyes. Me gjasë ai do të largohet nga Barcelona në ditën e fundit të afatit kalimtar.
3. Luis Suarez (Atletico Madrid) – 793,000 dollarë në javë
Ndoshta është një befasi që ai është në top tre, por Suarez ka dëshmuar se Atleti dinë t’i shpenzojë paratë e tyre mirë dhe ai ende vazhdon të jetë në nivel të lartë. Pasi që u lejua të largohet nga Blaugrana, Suarez shkoi në ish klubin e Griezmann duke i ndihmuar ata që ta fitojnë titullin e La Ligës në sezonin e tij të parë.
2. Neymar (Paris Saint-Germain) – 836,000 dollarë në javë
Lojtari i dytë i PSG-së në listë me pagën me të madhe dhe lojtari i dytë në listë pasi që Ronaldo e humbi numrin dy. Sulmuesi brazilian është një yll global por nuk mund të garojë me Ronaldon me kontrata të sponsorëve.
1. Lionel Messi (Paris Saint-Germain – 1,325,000 dollar në javë
Klubi i ri, status i njëjtë. Njëri prej lojtarëve më të mirë në planet, ndoshta i të gjitha kohërave, kështu që nuk është çudi pse ai ka pagën më të madhe në këtë sport. Argjentinasi është i vetmi futbollist që fiton 1 milion dollarë në javë dhe kjo shifër është edhe me e lartë pas marrëveshjeve për sponsor dhe martketing.