Jose Mourinho ka emëruar lojtarin që ai mendon se ishte më i miri i turneut Euro 2020.
Ai beson se Kyle Walker ishte ylli i spikatur i këtij eventi.
“Unë mendoj se Kyle Walker ishte fenomenal,” tha Mourinho për talkSPORT kur u pyet për të përmendur lojtarin e tij të turneut.
“Nga minuta e parë deri në momentin kur ai doli në finale ai ishte fenomenal. Ai po u jepte mbulesë qendërmbrojtësve në anën e kundërt. Nuk mbaj mend që ai të ketë humbur një duel të vetëm. Ai nuk shkoi përpara aq sa bën në klub për shkak të një këndvështrimi strategjik. Kur e quaj një lojtar ‘kafshë’, është komplimenti më i mirë që mund t’i bëj një lojtari. Kyle Walker – një kafshë absolute. Për mua, fenomenal. Nga minuta e parë deri në minutën e fundit ai ishte në element”, përfundoi ai.