Drita ka vazhduar të transferojë futbollistë cilësorë në afatin kalimtar të janarit.
Marko Simonovski është futbollisti më i ri i gjigantit kosovar i cili është prezantuar sot në ambientet e klubit.
Klubi bardhekaltër ka njoftuar se kanë arritur marrëveshje me Simonovskin i cili ishte shënuesi më i mirë sezonin e fundit me Feronikelin.
Sulmuesi maqedonas shënoi 12 gola në kampionat dhe dy të tjerë në Kupën e Kosovës.
Njoftimi i plotë nga Drita FC:
Simonovski zyrtarisht bardh e kaltër!
Sot ka arritur edhe përforcimi i radhës për klubin tonë!
Marko Simonovski është pritur nga presidenti i klubit z. Valon Murseli i cili i ka dëshiruar mirëseardhje lojtarit në familjen bardh e kaltër.
Marrëveshja është nënshkruar dhe Marko do të jetë i yni për një vit!
Simonovski luan në pozitën e qendër sulmuesit i cili vitin e fundit luajti për ekipin e FC Feronikelit, dhe tani do të jetë i gatshëm edhe për garat europiane për klubin tonë!
Klubi jonë e falënderon ekipin e Feronikelit që e lejoi Simonovskin para kohe të bashkohet me ne për përgaditjet që klubi po i bënë për ndeshjet e europës!