Gjykata Evropiane do të duhet të përgjigjet ndaj Gjykatës së Madridit në lidhje me Superligën Evropiane, përcjell Insporti.
Sipas La Gazzetta dello Sport, Gjykata e Madridit i ka bërë një pyetje Gjykatës Evropaine lidhur me ligjshmërinë e Superligës Evropiane.
Megjithatë, tani UEFA ka reaguar duke theksuar se ata do të luftojnë me çdo mjet të mundshëm ligjor ndaj Superligës.
“UEFA ka marrë njoftimin nga Gjykata Evropiane e Drejtësisë për interpretim nga një gjykatë e Madridit për të ashtuquajturën Superliga Evropiane, pavarësisht tërheqjes së nëntë klubeve anëtare të saj themeluese. UEFA është e sigurt në pozicionin e saj dhe do ta mbrojë atë me çdo forcë”, u tha në deklaratën e UEFA-së.
Në rast se Gjykata Evropiane e Drejtësisë vendos se nuk ka shkelje nga Superliga, atëherë Superliga Evropiane do të kishte legjitimitet të plotë ndërsa UEFA dhe FIFA nuk do të mund të bënin asgjë.