Manchester City ka arritur ditën e sotme fitoren e 20-të radhazi në të gjitha kompeticionet dhe merita kryesore është e dyshes së mbrojtjes Ruben Dias-John Stones, që kanë formuar një binom magjik.
Përveçse shënuan dy golat e fitores sot ndaj Ëest Ham, Dias dhe Stones kanë edhe një rekord të pabesueshëm, pasi kanë shënuar më shumë gola nga çfarë kanë pësuar kur kanë luajtur së bashku.
Ruben Dias dhe John Stones kanë luajtur bashkë në qendrën e mbrojtjes 16 ndeshje, nga ku Manchester City ka pësuar vetëm 3 gola. Në këto 16 ndeshje, Dias dhe Stones kanë shënuar së bashku 4 gola, 1 e ka shënuar portugezi, ndërsa 3 i ka shënuar anglezi. Vërtet një ndër dyshet më të forta të mbrojtjes në Botë.