Tottenhami ka hyrë në një situatë aspak të mirë dhe këtë më se keqi po e përjeton trajneri Jose Mourinho.
Ai është shfaqur shumë nervoz përpara gazetarëve, pas tri humbjeve radhazi.
Gazetari anglez e thumboi Mourinhon duke e pyetur për Gareth Bale që nuk po e aktivizon. Pyetje që nuk i pëlqeu aspak portugezit duke iu përgjigjur.
“Pyetje e bukur, por ti nuk meriton një përgjigje”, iu drejtua Mourinho gazetarit, duke e komentuar më pas ndeshjen.
“Patëm një shans të shkëlqyer me Viniciusin. Në fund të pjesës së parë pashë një skuadër që po vuante, por është krejt e kundërta në pjesën e dytë. Nuk na pëlqen forma që po kalojmë, por mënyra se si e mbyllëm ndeshjen më jep një ndjesi positive”, ka përfunduar Mourinho.