Real Madridi mesa duket ende nuk ka hequr dorë nga transferimi i yllit të PSG-së, Kylian Mbappe.
Francezi ka refuzuar rinovimin me parisienët dhe është i hapur për sfidën e re, derisa kontrata i skadon në qershorin e vitit 2022.
Duke parë pandeminë e COVID-19, shumë klube nuk mund ta kompletojnë transferimin e francezit, por Reali ka projektuar planin.
Sipas Diario AS, Reali do të fitojë rreth 100 milionë euro me shitjen e disa yjeve, siç janë Isco, Dani Ceballos, Gareth Bale, Luka Jovic, Marcelo dhe Brahim Diaz.
Të gjithë këta lojtarë do jenë në shitje gjatë verës, dhe pjesa tjetër e ‘operacionit’ Mbappe do kompletohet në formë huazimi.
Paga e Mbappes nuk do të jetë problem sepse me largimin e yjeve si Bale, Jovic dhe Marcelo, “Los Blancos” kanë para që t’i ofrojnë çdo vlerë që e kërkon lojtari.
Reali beson se PSG-ja do kërkojë rreth 150 milionë euro për sulmuesin në verën e ardhshme.