Chelsea është nikoqir i Bayern Munichut për ndeshjen e parë të 1/8 së finales në Ligën e Kampionëve.
Skuadrat do të zbresin në Stamford Bridge për të kërkuar rezultat sa më të mirë, para ndeshjes së kthimit që zhvillohet në Allianz Arena.
Chelsea do ta nisë fazën e eliminimit direkt në Ligën e Kampionëve me një duel të vështirë kundër Bayern Munich sonte në Londër.
Të kaltrit e presin kampionin gjerman në Stamford Bridge, për ndeshjen e parë të 1/8 së finales në Champions, e cila nis në orën 21:00.
Skuadra e Frank Lampard do të përballet me disa mungesa të rëndësishme në këtë takim.
N’Golo Kante, Christian Pulisic dhe Callum Hudson-Odoi janë të lënduar dhe nuk do të paraqiten sonte. Ndërkohë, te Bayerni mungojnë Niklas Sule dhe Ivan Perisic, të dy të lënduar po ashtu.