Liverpooli po mendon për pasuesin e trajnerit Jurgen Klopp në rast se ky i fundit zgjedh t’i japë fund aventurës së tij me “Redsat”. Gjermani ka fituar çdo titull të rëndësishëm me ekipin e kuq dhe mund të largohet.
Drejtuesit kanë hedhur sytë në treg dhe po mbajnë nën vëzhgim Xabi Alonson. Ish-mesfushori i tyre mbetet një nga figurat më pozitive dhe më inteligjente në futbollin evropian.
Xabi Alonso është nën drejtimin e Real Sociedadit B dhe shpreson të bëjë hapin e madh duke kaluar në një ekip të madh. Liverpooli do të ishte një ëndërr e madhe, duke qenë se spanjolli e ka pranuar se do të jetë një tifoz i përjetshëm i ekipit anglez.