Legjenda e Manchester Unitedit, Paul Scholes ka lavdëruar mesfushorin e Arsenalit, Thomas Partey pas një super paraqitje në fitoren e djeshme në “Old Trafford” (1 – 0).
Ish ylli i Atleticos shkëlqeu në fitoren e “Topçinjve” ndaj Unitedit, fitore të cilën si mysafirë nuk e kishin arritur që plotë 14 vite.
Ndër me të impresionuarit ishte edhe Shcoles, që ka dhënë lëvdata të mëdha për mesfushorin me prejardhje nga Gana.
“Është mesfushor i kompletuar. Nuk sheh shumë lojtarë të tillë në ditët e sotme. Mesfushorët sulmojnë ose ndalin mesfushorët, por puna e tyre është të bëjnë gjithçka”.
“Duhet të japësh kontributë në gjithçka dhe ai bëri punë të shkëlqyer në të gjitha pjesët”, deklaroi ai.
Ndërkohë, kujtojmë se Arsenali për Partey pagoi klauzolën me vlerë 45 milionë euro në ditën e fundit të afatit veror.