Barcelona ka humbur me rezultat minimal 1-0 kundër Getafes sonte. Lionel Messi luajti këtë ndeshje për 90-të minuta por që nuk arriti që të ndihmojë skuadrën e tij për ta fituar ndeshjen
Barcelona ka pësuar disfatë kundër Getafes sonte duke u mposhtur me rezultat 1-0.
Një pjesë e parë me të dyja skuadrat që nuk arritën të krijojnë shumë, aq më pak shanse të mira.
Vendasit e filluan më mirë takimin dhe arritën që të dalin disa herë përpara, por edhe Barcelona sulmonte vazhdimisht por në pjesën e parë nuk kishte gola.
Në pjesën e dytë De Jong do të shkaktonte penallti brenda zonës së rreptësisë të cilën penallti në gol do ta shndërronte Jaime Mata në minutën e 56-të.
Barcelona tentoi por megjithatë Getafe u tregua shumë më e mirë në kundërsulme dhe shumë lehtë ka mundur ta merr edhe golin e dytë.
Pas kësaj humbje Barcelona ka vetëm 7 pikë por ka dy ndeshje më pak të zhvilluara.