Agim Ademi e lëshon “bombën”: Ky është futbollisti i radhës që do t’i bashkohet Kosovës

Federata e Futbollit e Kosovës po punon fuqishëm për ta përforcuar sa ma shumë Përfaqësuesen e Kosovës me futbollistë cilësor.

Presidenti i FFK-së, Agim Ademi, ka zbuluar se lojtari i radhës që do të bashkohet Kosovës është Bastiem Toma.

Një lajm të tillë e ka konfirmuar Ademi në një intervistë për televizionin “Kanal 10”.

“Bastien Toma është lojtari më i ri që shpresoj shumë se do t’i bashkohet Kosovës. Jemi në bisedime dhe besoj që shumë shpejt do t’i bashkohet Kosovës”, ka thënë Agim Ademi, përcjell Zeri.info.

Toma është 21-vjeçar dhe aktivizohet me skuadrën e Sionit në Superligën e Zvicrës.

Ai më parë ka qenë pjesë e grupmsohave të reja të Përfaqësueses së Zvicrës derisa momentalisht është pjesë e grupmoshën U-21 të “helvëtikëve”.

Kujtojmë se ditë më parë Kosova u përforcua edhe me talentin nga Tropoja e Shqipërisë, Edi Sylisufaj, i cili luan me shumë sukses në Suedi te Falkenbergs.

Sylisufaj si fillim do ti bashkohet Kosovës U-21 që drejtohet nga Rafet Prekazi.