Milot Rashica nuk ka qenë kurrë më afër kalimit te Milanit se në këtë fillim javë.
Sipas mediave në Itali, agjenti i reprezentuesit të Kosovës ka fluturuar për në Itali që të fillojnë bisedimet për një marrëveshje të mundshme.
Tashmë është konfirmuar edhe nga vetë Werder Bremeni se Rashica do të largohet në këtë verë, derisa kërkojnë 38 milionë euro nga shitja e tij.
Pasi mbijetuan në Bundesliga edhe për edicionin e ri, skuadra gjermane do të përfitojë shumën e majme, ndryshe mund të merrnin vetëm 15 milionë.
Werderi dëshiron të përfitojë 38 milionë euro, mirëpo Rossonerët mund të transferojnë Rashicën në shumën e 30 milionëve plus tetë milionë bonuse.
Në fund të kësaj jave, mund të bëhet e ditur nëse bisedimet e agjentit të yllit vushtrrias kanë shkuar mirë, apo nuk është arritur ende akordi.
